كشف الفنان ياسر فرج عن رأيه في النجوم الذين تتحكم في الترشيحات قائلا : النجم وارد يقول للمخرج شايف فلان في الدور ده، لكن المخرج أو المنتج ليهم الحق في أنهم يقبلوا الترشيح أو لا.
وتابع خلال حواره مع الإعلامية انجي هشام في برنامج المنسي عبر قناة هي: مصادفتش إن فنان رفض ترشيحي، مصادفتش موقف زي ده، بس صادفت العكس وبعض الزملاء من ضمنهم أمير كرارة وهو من النجوم المحترمين وصديق عزيز، كان حابب أكون معاه في عمل، لكن الأمور مظبطتش ومقدرتش للاسف اشارك لكن اتمنى اكون مع أمير كرارة وهو من الناس العزيزة على قلبي.
وأوضح قائلا : أنا معنديش مشكلة مشتغلش تاني لكن عندي مشكلة اني اعمل حاجه وانا مضايق مش هعرف اشتغلها حتى لو زميل عزيز زي كرارة، أنا بشكره أنه فكر فيا لكن حسيت أن الدور مفيهوش إمكانيات.
